შუქრუთელების პროტესტის უკიდურესი ზომა უფრო და უფრო მძიმდება - შიმშლობის 25-ე დღეს ისინი სასმელ წყალზე აცხადებენ უარს.

როგორც თავად აცხადებენ, მოშიმშილეებინდა სამი მათგანის მდგომარეობა მეტად დამძიმდა, ერთ-ერთ მათგანს კი გადაადგილება უჭირს.

შუქრუთის მაცხოვრებლები ამ დრომდე ელიან მათთან სახალხო დამცველის გამოჩენას ან სახელმწიფოს მხრიდან ყურადღებას, თუმცა უშედეგოდ:

"გადავდივართ მშრალ შიმშილობაზე. ამ დროის მანძილზე სამწუხაროდ არავინ არ დაგვკავშირებია ჩვენ, არავინ მოსულა ჩვენთან არც სახელმწიფოდან, არც სახალხო დამცველი. ან გადაიდგმება რეალური ქმედითი ნაბიჯები, ან არადა ყველა დაინახავს, რომ ამერიკის საელჩოს წინ ყველა დავიხოცებით", - ამბობს აქციის მონაწილე, გიორგი ნეფარიძე.

შეგახსენებთ, აქციის მონაწილეები უკვე თითქმის ერთი თვეა შიმშილობენ, ზოგიერთმა მათგანმა კი პროტესტის უკიდურეს ფორმასაც მიმართა დ პირი ამოიკერა. მათი განცხადებით, ჭიათურაში "ჯორჯიან მანგანეზის" სამუშაოების გამო საცხოვრებელი სახლები დაიბზარა და მიწები დაიმეწყრა.