ხმაური და დაპირისპირება იყო აჭარის უმაღლეს საბჭოში, სადაც არჩევნების შედეგების მიმართ ბოიკოტის შემდეგ ნაციონალური მოძრაობის წევრები პირველად მივიდნენ.

ოცნების წარმომადგენლები ოპონენტებს იმ განცხადებებს ახსენებდნენ, რასაც ისინი ბოიკოტის რეჟიმში ყოფნის დროს აკეთებდნენ.

ენმ-ს წევრმა ელგუჯა ბაგრატიონმა სხდომაზე სიტყვით გამოსვლა ითხოვა, რისი საშუალებაც საბჭოს თავმჯდომარემ არ მისცა.

სხდომაზე ქართული ოცნების ერთ-ერთმა წევრმა ნარინჯისფერი პუფი მიიტანა, მეორემ კი ენმ-ს წევრების ფურცელზე დაბეჭდილი განცხადებები, რომელიც ბოიკოტის რეჟიმის დროს კეთდებოდა.

"ნაციონალური მოძრაობის" წევრების განცხადებით, აჭარის უმაღლეს საბჭოში მმართველ გუნდს სრული კომფორტის ზონა აქვს მოწყობილი, რისი გაგრძელების საშუალებასაც არ მისცემენ.