თბილისის საქალაქო სასამართლოში ნიკა მელიას საქმეზე მორიგი პროცესი მიმდინარეობს. სხდომაზე დაცვის მხარე ისე შევიდა, რომ პროცესზე დასაკითხი მოწმეების ვინაობა ისევ არ იცოდა.

როგორც სხდომის დაწყებამდე მელიას ადვოკატმა გიორგი კონდახაშვილმა განაცხადა, გასაიდუმლოებული მოწმეების გარდა, პროკურატურა არც იმას ამხელს, რა მტკიცებულებების გასაჯაროებას აპირებს:

"სამწუხაროდ, მიუხედავად მოსამართლის მითითებისა, მიუხედავად შეთანხმებისა, რომ ამ ფორმატით უნდა გვემუშავა, დღემდე, ცოცხალი თავით ბრალდების მხარე არ ამხელს იმ მოწმეების ვინაობას ვის დაკითხვასაც ვაპირებთ დღევანდელ პროცესზე და საერთოდ მტკიცებულებების გასაჯაროვებას. ეს არის საკმაოდ უცნაური, ვერ აიხსნება ეს შიშები რატომ არ უნდა გახდეს წინასწარ მახრისთვის ცნობილი რა ფორმატით ვმუშაობთ", - განაცხადა კონდახაშვილმა.