სტრატეგია აღმაშენებლის ლიდერი გიორგი ვაშაძე და "ოცნების“ დეპუტატი, ირაკლი ზარქუა პარლამენტის სხდომაზე ერთმანეთს დაუპირისპირბდნენ. მათ ერთმანეთს „კლოუნი“ და „მასხარა“ უწოდეს.

დაპირისპირება საფინანსო-საბიუჯეტო კომიტეტის სხდომაზე მოხდა, სადაც ეროვნული ბანკის ყოველწლიური ანგარიშის განხილვა მიმდინარეობს.

გიორგი ვაშაძემ ეროვნული ბანკის პრეზიდენტ კობა გვენეტაძეს მწვავე კითხვებით პენსიების უზრუნველყოფის, ლარის გაუფასურებისა და ლარიზაციის პროგრამის თაობაზე მიმართა და ის არასწორ მართვაში დაადანაშაულა. ამის შემდეგ, გვენეტაძის ნაცვლად, ვაშაძისთვის პასუხების გაცემა „ქართული ოცნების დეპუტატმა ირაკლი ზარქუამ სცადა.

ვაშაძეს კი „ჭიჭე ვაშაძით“ მიმართა და უთხრა, რომ პოპულისტია და მცურავი გაცვლითი კურსის თაობაზე კი, არაფერი იცის, რის საპასუხოდაც გიორგი ვაშაძემ სხდომის წამყვანს პროცედურის დაცვის უზრუნველყოფა სთხოვა და მიმართა, რომ მის მიერ დასმულ კითხვებზე ეროვნული ბანკის პრეზიდენტს უნდა ეპასუხა და არა „პატივცემულ კლოუნს.“ მან ზარქუას ასევე ურჩია, „თხა და გიგო“ მაინც წაეკითხა.

„კლოუნი“ ხარ, აბა რა ხარ – ხარ მასხარა, იაფფასიანი პოლიტიკოსი,“ - განაცხადა ზარქუამ ვაშაძის საპასუხოდ.