3 ივნისს თბილისის საქალაქო სასამართლოში გიგი უგულავას პროცესი ჩაინიშნა - ამის შესახებ უგულავა სოციალურ ქსელში წერს:

"ის იყო უნდა მერწმუნა ქართული ოცნების ფერისცვალების, ქართულმა თემიდამ ლახვარი ჩამსცა. ხვალ, 3 ივნისს, საქალაქო სასამართლოში 11:00 ჩაინიშნა ჩემი პროცესი, სადაც მე ძიუდოისტ ბადრი საბა გავაშელიშვილის აეროპორტში ცემა მედება ბრალად", - წერს უგულავა.

უგულავას პროცესი 11 მაისს უნდა გამართულიყო, თუმცა პროკურორის კოვიდინფიცირების გამო გადაიდო.

საქმე ეხება 2019 წლის 11 დეკემბერს თბილისის საერთაშორისო აეროპორტში მომხდარ შემთხვევას, რა დროსაც გიგი უგულავასა და გიორგი გაბაშვილს ორი პირი თავს დაესხა და ფიზიკური და სიტყვიერი შეურაცხყოფა მიაყენა, თუმცა ბრალი გიგი უგულავას წაუყენეს და თავდამსხმელის ცემაში დაადანაშაულეს.