„გირჩის“ ლიდერმა, იაგო ხვიჩიამბის ენმ-ის პარლამენტში შესვლაზე კომენტარი გააკეთა და აღნიშნა, რომ საწუწაო თოფით დახვედრას გეგმავდნენ, მაგრამ გადაიფიქრეს, რომ მათ ნაბიჯს კუდები არ მობმოდა.

„ჩვენ ვაპირებდით საწუწაო თოფებით დავხვედროდით „ნაციონალურ მოძრაობას“ პარლამენტში, მაგრამ გადავიფიქრეთ. ვიფიქრეთ, რომ ამას რაღაც პოლიტიკური კუდები მოებმეოდა და ვერავის დავაჯერებდით, რომ ჩვენ უბრალოდ გავაგრილეთ ჩვენი კოლეგები“, – აღნიშნა ხვიჩიამ.

მან ასევე განაცხადა, რომ როცა პარლამენტში თაკო ჩარკვიანი და შალვა ნათელაშვილი მივიდოდენენ, 555 ხინკალს მიიტანდნენ პარლამენტში.

„რაც შეეხება 555 ხინკალს, ეს დამატებით უნდა გავიაროთ პარლამენტის ადმინისტრაციასთან. ვათვალიერებდით, გავიარ-გამივიარეთ, შემოსასვლელი რომ არის, იქ არის მოაჯირებზე კარგი დასადები ადგილი და გვინდა, გამოვიყენოთ, როცა ქალბატონი თაკო ჩარკვიანი და შალვა ნათელაშვილი შემობრძანდებიან პარლამენტში“, – განაცხადა ხვიჩიამ.