ყოფილი პრემიერი გიორგი გახარია ამ წუთებში მედიის წარმომადგენლებს ხვდება, სადაც ჟურნალისტების კითხვებს პასუხობს. ჟერთ-ერთ კითხვაზე, მოიხდის თუ არა ამჯერადაც ბოდიშს, გახარიამ უპასუხა, რომ ბოდიშის მოხდა გააზრებული უნდა იყოს, ახლა კი ამისთვის მზად არ არის:

"ბოდიშის მოხდას აზრი აქვს მაშინ, როდესაც ის არის გააზრებული და არის კონკრეტულ ფასეულობებთან დაკავშირებით. მე არ ვარ ადამიანი, რომელიც ასე ბოდიშს იხდის, მაშინ ის ბოდიში იყო, აბსოლუტურად გააზრებული და აბსოლუტურად ფასეულობებზე დაყრდნობითი. საყოველთაო ბოდიშის მოხდისთვის დღეს, ამ წუთას მზად არ ვარ, თუმცა დარწმუნებული ვარ, ცოტა უფრო მეტი დრო რომ მქონდეს, ასეთ მიზეზებს ვიპოვიდი"- განაცხადა გახარიამ