"ქართული ოცნების" თავმჯდომარე ირაკლი კობახიძე ყოფილ თანაგუნდელს უპირისპირდება. მისი განცხადებით, გახარია აქტიურად სთხოვდა საპარლამენტო უმრავლესობას, მელიასთვის იმუნიტეტი მოეხსნა, შემდეგ კი მისი დაკავების წინააღმდეგ წავიდა. კობახიძის თქმით, ამ საკითზე ყოფილმა პრემიერმა კითხვებს პასუხი უნდა გასცეს:

"გახარიამ უნდა უპასუხოს კითხვას, რატომ არწმუნებდა საპარლამენტო უმრავლესობას ყველაზე აქტიურად სხვათა შორის, ჩვენზე აქტიურად, რომ აუცილებლად უნდა ყოფილიყო მოხსნილი იმუნიტეტი, ყველას არწმუნებდა და იმ 6-მა დეპუტატმა, რომელიც დღეს საუბრობს სხვა რაღაცეებს ხმა მისცა და მხარი დაუჭირა იმუნიტეტის მოხსნას.

რატომ იყო ის აქტიური იმუნიტეტის მოხსნის ნაწილში და შემდეგ რატომ ითხოვდა მელიას არ დაკავებას?! ამ კითხვას ხომ უნდა გაეცეს პასუხი, მას ამ კითხვაზე პასუხი ვერ ექნება, იმიტომ, რომ არის პირდაპირი ლოგიკური წინააღმდეგობა მის ქმედებებს შორის. ჩვენ გვაქვს ჩვენი ეჭვები, მაგრამ მნიშვნელოვანია მისგან მოვისმინოთ პასუხი ამ ძალიან მნიშვნელოვან შეკითხვაზე" - განაცხადა კობახიძემ.

თქვა "ქართული ოცნების" თავმჯდომარემ, ირაკლი კობახიძემ ყოფილ პრემიერზე, გიორგი გახარიაზე.