სახელმწიფო საკუთრებაში არსებული სასოფლო-სამეურნეო დანიშნულებისა თუ არასასოფლო-სამეურნეო მიწა აფხაზეთის ომის ვეტერანებსა და მრავალშვილიან ოჯახებს გარკვეული რაოდენობა უსასყიდლოდ უნდა გადაეცეს, აცხადებს სამოქალაქო საზოგადოების წარმომადგენელი ალექსანდრე ლომოური.

ლომოურის თქმით, სახელმწიფო ამით ხელს შეუწყობს ქვეყანაში დემოგრაფიული პრობლემის მოგვარებას, სოციალური მდგომარეობის გაუმჯობესებასა და ამასთანავე დაუსახლებელ ადგილებში ახალ სოფლების შექმნას.

”აუქციონის წესით უცხოელზე ქართული მიწის გაყიდვა კაპიკებზე სირცხვილია, მაშინ, როცა ათასობით ადამიანი უსახლკაროა, სოციალურად დაუცველი და მრავალშვილიანი ოჯახები კი შიმშილს ებრძვის.” - განმარტავს ლომოური.