პოლიციის დღესთან დაკავშირებით პრემიერმა ღარბიბაშვილმა სპეციალურ ღონისძებაზე სიტყვით გამოსვლისას შსს-ს თანამშრომლებს პროფესიული დღე მიულოცა და განაცხადა, რომ მისთვის დიდი პატივი იყო შს მინისტრობა და ყველაზე მეტად მაშინ გაიგო კარგად, რას ნიშნავდა პოლიციელობა. ღარიბაშვილის თქმით, დღეს პოლიცია არის პოლიტიკურად ნეიტრალური:

"მე მინდა მადლობა გითხრათ თქვენი სამსახურისთვის, თქვენი თავდადებისთვის, თქვენი პროფესიონალიზმისთვის, თქვენი თავგანწირვისთვის. მადლობა მინდა გითხრათ თქვენი გმირობისთვის. მადლობა თქვენს მშობლებს, თქვენს მეუღლეებს, თქვენს შვილებს. ჩემთვის დიდი პატივი იყო, ძვირფასო მეგობრებო, თქვენი მინისტრობა, თქვენთან ერთად მუშაობა და თქვენთან ერთად ჩვენი ქვეყნის და ჩვენი ხალხის მსახურება. ეს იყო ერთ-ერთი ყველაზე ძვირფასი, ყველაზე მეტად დასამახსოვრებელი პერიოდი ჩემს პოლიტიკურ საქმიანობაში. მე ყველზე კარგად გავიგე იმ დროს, თუ რას ნიშნავს, იყო პოლიციელი. მე ძალიან კარგად ვიცი, თუ რაოდენ მძიმე არის თქვენი შრომა, თქვენი 24-საათიანი სამსახური ჩვენი ხალხის და ჩვენი ქვეყნის წინაშე. ამისთვის ჩვენ მადლობას გეუბნებით თქვენ. თქვენ ხართ ჩვენი ქვეყნის დამცველები. თქვენ უზრუნველყოფთ ჩვენი ქვეყნის და მოქალაქეების უსაფრთხოებას, ჩვენი ხალხის, თითოეული მოქალაქის მშვიდ ძილს, კანონის უზენაესობას, საზოგადოებრივ წესრიგს.

დღეს პოლიცია არის პოლიტიკურად ნეიტრალური უწყება. დღეს ჩვენ გვყავს ძლიერი გამართული პროფესიონალი პოლიცია. ამისთვის მე კიდევ ერთხელ გიხდით მადლობას, ჩვენ ვამაყობთ თქვენით. მე მინდა გითხრათ, რომ თქვენ გყავთ ღირსეული შს მინისტრი“, - განაცხადა ირაკლი ღარიბაშვილმა.