"ტრიბუნას" ლიდერი დავით ჭიჭინაძე გაზის ტარიფის გაძვირების საკითხს ეხმაურება და აცხადებს, რომ დღეს ქვეყანაში ბუნებრივი აირის პრობლემა არ უნდა არსებობდეს. მისი თქმით, ხელისუფლებამ ერთადერთი რაც ისწავლა და კარგად გამოსდის, საკუთარ მოსახლეობასთან დიდი კედლების აგება და პოლიციური სანქციებია:

"როგორ შეჭამონ, რაც შეიძლება მეტი მოიპარონ,

ქვეყანა ააშენონ კი არა, როგორ "ეშპილკაონ" ოპოზიციას, ესაა "ოცნების" სამოქმედო გეგმა.

დღეს საქართველოში სოციალური გაზის პრობლემა არ უნდა გვქონდეს.

ესენი კი, გაზის ტარიფს ადამიანებს კიდევ და 8 თეთრით უზრდიან.

და მეც მერამდენედ ვკითხულობ:

რატომ არ არის არცერთი ტარიფის ასახვაში ის მილიარდი კუბამეტრი, რომლიდანაც 500 მილიონი გვეკუთვნის 55 დოლარად, 500 მილიონი კი უფასოდ?!

ანუ, როდესაც მილიარდი კუბამეტრის შეჯერებული ტარიფი გამოდის 27 დოლარი - 1000 კუბამეტრზე, მაშინ ამდენი წლის განმავლობაში რატომ ვიხდით 155 დოლარს?!

სად მიდის ეს ფული?!

ნამახვან ჰესთან დაკავშირებით დიდი კორუფციული სქემებია ჩადებული და 24 საათი მხოლოდ იმ კომბინაციებით არიად დაკავებული როგორ მოიპარონ, დაროგორ გაგლიჯონ სახელმწიფოს 400 მილიონი.

შედეგად მივიღებთ იმას, რომ არც წყალი გვექნება და არც ელექტროენერგია, სამაგიეროდ გვექნება ასეულობით მილიონი ვალი, რომელიც ისევ ჩვენ უნდა გადავიხადოთ.

„ოცნების“ ხელისუფლებამ კი, ერთადერთი რაც ისწავლა და კარგად გამოსდის, საკუთარ მოსახლეობასთან დიდი კედლების აგება და პოლიციური სანქციებია..."