გიორგი გახარიამ პარტიის პრეზენტაციის დროს სამომავლო გეგმებზე ისაუბრა. გახარიამ ქართული ოცნება გააკრიტიკა და თქვა, რომ მისთვის მიუღებელია, როცა მმართველი პარტია საკუთარი წარმატების დასაფიქსირებლად, 10-15 წლის წინანდელ ვითარებას ადარებს. მანვე აღნიშნა, რომ მიუღებელია იმ ძალებთან ურთიერთობა, რომლებიც პოლიტიკაში რადიკალიზმით გამოირჩევიან.

გახარიას ივანიშვილთან დაკავშირებითაც ჰკითხეს. არის თუ არა გახარია ბიძინა ივანიშვილის პრექტი, ყოფილმა პრემიერმა უპასუხა:

"არასოდეს არ ვყოფილვარ არავის პროექტი და მით უმეტეს, მომავალში არ ვიქნები არავის პროექტი".