ყოფილმა პრემიერმა გიორგი გახარიამ პარტიის პრეზენტაციის დროს მისი გადადგომის მიზეზებზე ისაუბრა და განაცხადა, რომ პოსტის დატოვების მიზეზი პარტიის ინტერესების სახელმწიფოზე მაღლა დაყენება გახდა:

"გადავდექი იმიტომ, რომ ამას ვამბობ გულწრფელად, 8 წლიანი მართველობის შემდგომ მმარტველი პარტია თავის მიღწევებს ადარებდა 10-15 წლის წინანდელ რეალობას და ამით პერსპექტივას უკლავდა ჩვენს ქვეყანას. არავინ არ უარყოფს იმას, რომ დღევანდელი სასამართლო სისტემა არის ბევრად უკეთესი, ვიდრე იყო 10-15 წლის წინ, მაგრამ ეს არ ნიშნავს იმას რომ ჩვენ არ გვქონდეს ამიბიცია, რომ ჩვენი სასამართლო სისტემა იყოს უფრო მეტად ეფექტური, კიდევ უფრო სამართლიანი და კიდევ უფრო მაღალი მიზნები დაისახოს.

გადავდექი იმიტომ, რომ ერთ კონკრეტულ მომენტში ჩემთვის სრულიად გასაგებად და აშკარად პოლიტიკურმა პარტიამ მისი პარტიული ინტერესები დააყენა სახელმწიფო ინტერესებზე მაღლა, ეს იყო რეალური მიზეზი იმ ნაბიჯს რომელიც მე გადავდგი", - განაცხადა გახარიამ.