"ექსპო ჯორჯიასთან", სადაც რამდენიმე წუთში გახარია თავის ახალ გუნდს წარადგენს, აქციაა. მოძრაობა "შეცვალემ" და "საქართველოსთვის" ადგილზე ბანერები მიიტანეს წარწერით "არ შეგარჩენთ 20 ივნისს!"

აქტივისტების განცხადებით, გახარია 20 ივნისის შემდეგ პატიმრობაში უნდა იყოს და არა პოლიტიკაში:

"ის ოპერაცია, რასაც გახარიას გასასუფთავებლად აკეთებენ, იქნება მხოლოდ მისი იურიდიული პასუხისმგებლობისგან გათავისუფლება, რადგან ფაქტი შემდგარია, გახარია არის დამნაშავე და ყველამ ვიცით, რა დანაშაული ჩაიდინა გიორგი გახარიამ 20 ივნისს და ამას ვერ შეცვლის ვერანაირი ამნისტია და მხოლოდ და მხოლოდ "ქართულ ოცნებას" აწყობს ახლა მისი პოლიტიკურ ასპარეზზე გამოსვლა, - განაცხადა "მოძრაობა საქართველოსთვის" წევრმა ლაშა ხუსკივაძემ.