გურჯაანის მერია ადგილობრივი ბიუჯეტიდან მაღალი გამავლობის 4 ავტომანქანის შესაძენად 250 000 ლარის დახარჯვას აპირებს. ჯიპები, რომელსაც მერია მაღალჩინოსნებისთვის შეიძენს, ტენდერის მიხედვით, 2019 წლის უნდა იყოს და სრულად უნდა აკმაყოფილებდეს მომავალი მეპატრონეების სასურველ ფერსა და მოდელს.

ხელისუფლების განმარტებით, ავტომობილები ინფრასტრუქტურისა და ზედამხედველობის განყოფილებებს მოემსახურება.

გურჯაანის მერიის მაღალჩინოსნების ფუფუნების პარალელურად, ადგილობრივ მოსახლეობას არა ერთი ყოფითი პრობლემა აწუხებს - არ არის წყალი, კანალიზაცია, გზა და წლების განმავლობაში მათი პრობლემებისთვის ვერავინ მოიცალა.