დღეს ყოფილი პრემიერი გიორგი გახარია საკუთარი გუნდის პრეზენტაციას 17:00 საათზე "ექსპო ჯორჯიას" ტერიტორიაზე გეგმავს. ღონისძიება მოძრაობა "შეცვალესა" და "საქართველოთვის" აქტივისტების მიერ გამართული აქციის ფონზე ჩაივლის.

აქტივისტების თქმით, გახარიამ 20 ივნისის გამო პოლიტიკური ფასი უნდა გადაიხადოს:

"გახარია არის გავრილოვის ღამის შემოქმედი და პასუხისმგებელი იმ მოვლენებზე, რომლის დროსაც მანიფესტანტები დაასახიჩრეს", - განაცხადა მოძრაობა "საქართველოსთვის" წევრმა, ალიკა კუპრავამ.

"როგორი უსახურიც იყო მისი მმართველობა, ისე უსახურად წავიდა ეს ადამიანი და არ შეიძლება ასეთი ჯალათები ბრუნდებოდნენ პოლიტიკაში და ჰქონდეთ იმის ამბიცია, რომ რაიმე თანამდებობა შეიძლება ეკავოთ" - აღნიშნა "შეცვალეს" წევრმა დიმიტრი ბიძინაშვილმა.