იუსტიციის უმაღლესი საბჭოს ყოფილი წევრი სერგო მეთოფიშვილი მოქმედი არამოსამართლე წევრის ნაზი ჯანეზაშვილის მიმართ მორიგ შეურაცხმყოფელ პოსტს აქვეყნებს სოციალურ ქსელში, სადაც მის დიპლომს ყალბს უწოდებს, თავად ჯანეზაშვილს კი არასამთავრობო ორგანიზაციების ყურმოჭრილ მონად მოიხსენიებს:

"ჩვენი პოლიტიზირებული NGO-ების "მამებისათვის" და "დედიკოებისათვის" იმას კი არა აქვს გადამწყვეტი მნიშვნელობა ყალბი დიპლომი აქვს თუ არა მათ ფავორიტს ნაზიბროლა ჯანეზაშვილს, არამედ იმას, რომ იგი (ნაზიბროლა) იმავე NGO-ების "მამების" და "დედიკოების" ყურმოჭრილი მონა იყოს და აღასრულოს ის, რაც მათთვის არის მისაღები.

ამასთან დაკავშირებით მახსენდება ლეგენდარული ფრანკლინ დელანო რუზველტის მიერ ნიკარაგუის ოდიოზური დიქტატორის – ანასტაზიოს სამოსა გარსიას მიმართ წარმოთქმული საყოველთაოდ ცნობილი აპოკრიფიც: "სამოსა შეიძლება ძაღლიშვილია, მაგრამ ის ჩვენი ძაღლიშვილია" - წერს სერგო მეთოფიშვილი.