კულტურის მინისტრი თეა წულუკიანი ოქტომბრის არჩევნებთან დაკავშირებით მისი გუნდის გამარჯვებაშია დარწმუნებული. მინისტრი ასევე აფასებს გახარიას გუნდის პოლიტიკურ ასპარეზზე შემოსვლას და ყოფილ თანაგუნდელის წარმატებაში ეჭვი ეპარება:

"მე ბევრჯერ ვთქვი ადრეც და კიდევ ერთხელ ვიტყვი, რომ ძალიან არასწორი და მისთვის საზიაონო მგონია, ბატონი გახარიასთვის ეს გადაწყვეტილება, მე არ მგონია, რომ ადვილი გზა ექნება მას პოლიტიკაში. შეიძლება, როდესაც დატოვებ მაღალ თანამდებობას, გაქვს მაღალი რეიტინგი, გქონდეს გარკვეული ილუზია, რომ უკან სცენაზე შემოსვლა იქნება ავტომატურად წარმატებული, მაგრამ მე არ მგონია, რომ ეს ასე იქნება, წარმატებისთვის, მას მოუწევს ძალიან ბევრი წინაღობის გადალახვა და ძალიან დიდი შრომა, და ამისთვის მას უნდა ჰყავდეს ასევე რეიტინგული და მაღალკვალიფიციური გუნდი, რასაც მე ჯერჯერობით მის გარეშემო ვერ ვხედავ. [...]

მე არ მგონია, რომ მომავალ ოქტომბერში, იმ პოლიტიკურ ბრძოლაში რომელიც გაიმართება ვინმე შეძლებს ჩვენ ბეჭებზე დაცემას" - აცხადებს თეა წულუკიანი.