იუსტიციის საბჭოს წევრმა დიმიტრი გვრიტიშვილმა ვერ დაასახელა ბოლო წლების განმავლობაში მიმდინარე რომელიმე პოლიტიკური საქმე, რომელიც სასამართლომ ხელისუფლების ინტერესების წინააღმდეგ გადაწყვიტა.

კითხვაზე, ახსენდება თუ არა მას რომელიმე პოლიტიკური საქმე, რომელზეც სასამართლომ ხელისუფლების ინტერესი არ დააკმაყოფილა, გვრიტიშვილი პასუხობს:

"ასეთი საქმეების სააშკარაოზე გამოტანა არ ხდება. სასამართლო იხილავს ათასობით საქმეს, სადაც საქმე წყდება, ზუსტადაც, სახელმწიფოს [წინააღმდეგ]".

მიუხედავად ამისა გვრიტიშვილმა გადაცემაში ვერ მოიყვანა ვერცერთი კონკრეტული მაგალითი, როდესაც პოლიტიკურ საქმეზე სასამართლომ სახელმწიფოს მოთხოვნა არ დააკმაყოფილა და ბრალდებული, ხელისუფლების ინტერესების საწინააღმდეგოდ გაამართლა.