ავსტრალიელი ზოოლოგების განცხადებით, პირველად სამი ათასი წლის მანძილზე, ქვეყანაში ტასმანური ეშმაკები დაიბადნენ. მათი ინფორმაციით, ბერინგტონის ველური ბუნების ნაკრძალში ტასმანური ეშმაკის შვიდი ნაშიერი დაიბადა.

უკვე მრავალი წელია ეს ცხოველები კონტინენტზე გადაშენებულად ითვლება. ავსტრალიაში მათი განადგურების მიზეზი გაველურებული ძაღლი დინგო გახდა. 2020 წლის ოქტომბრის ბოლოდან ეკოლოგები ეშმაკების პოპულაციის აღდგენას ცდილობენ.

ტასმანური ეშმაკი, ანუ ტასმანური ჩანთოსანი ეშმაკი მტაცებელ ჩანთოსანთა რიგს განეკუთვნება და მათი ყველაზე მსხვილი წრამომადგენელია. შავი ფერის, წვეტიანკბილებიანი დიდი ხახისა და გულისშემძვრელი ყვირილის გამო მას ევროპელებმა ეშმაკი შეარქვეს. ამჟამად ის მხოლოდ კუნძულ ტასმანიაზე ბინადრობს.