საქართველოს პარლამენტს სამი ახალი დეპუტატი ეყოლება - გამოკლებული წევრები ირაკლი სესიაშვილი, მარიამ ქვლივიშვილი და სალომე მუჯირი გელა სამხარაულით, ბაია კვიციანითა და სანდრო რაქვიაშვილით ჩანაცვლდება.

სამხარაულის უფლებამოსილებას მხარი 92-მა დეპუტატმა დაუჭირა, წინააღმდეგი არც ერთი იყო. კვიციანის 85 მომხრე ჰყავდა და არც ერთი წინააღმდეგი, რაქვიაშვილს 88 მომხრე ჰყავდა და ასევე, არც ერთი წინააღმდეგი.

გელა სამხარაული მე-8 და მე-9 მოწვევის პარლამენტის მაჟორიტარი დეპუტატი იყო "ქართული ოცნებიდან".

ბაია კვიციანი კი "დალოოდის" ბრენდ-მენეჯერი და ამავე ბრენდის კრეატიული დირექტორის მაკა კვიციანის და არის.

გირჩს დეპუტატი სანდრო რაქვიაშვილი პროფესიით ეკონომისტია.