თბილისის საქალაქო სასამართლოში ენმ-ს თავმჯდომარის ნიკა მელიას მორიგი პროცესი იმართება. სხდომის დაწყებდამდე ოპოზიციის ლიდერის ადვოკატმა გიორგი კონდახაშვილმა მედიასთან განაცხადა, რომ გამოძიებამ დღესაც არ ჩააყენა საქმის კურსში დაცვის მხარე, რომელი მტკიცებულებების გამოკვლევას აპირებენ პროცესზე:

"მიუხედავად ჩვენი პროაქტიური მცდელობისა, დღესაც ბრალდების მხარის მიერ არ გვეცნობა კონკრეტულად რა სახის მტკიცებულებების გამოკვლევას აპირებენ დღევანდელ პროცესზე. ეს არის შეთანხმების დარღვევა. მოსამართლის მიერ როგორც წინა ისე იმის წინა პროცესზე იქნა მითითება, რომ ბრალდებისა და დაცვის მხარეს უნდა გვქონდეს კომუნიკაცია და უნდა მოხდეს შეჯერება, წინასწარ უნდა ეცნობოს მხარეებს იმ მტკიცებულებების შესახებ, რომლის გამოკვლევასაც მხარეები აპირებენ. ამ წუთამდე ჩვენთვის ცნობილი არ არის მოწმეების დაკითხვას აპირებენ პროცესზე თუ ისევ ვიდეომასალებს გამოიკვლევენ. შესაბამისად, დაველოდოთ მოვლენებს", - განაცხადა კონდახიშვილმა.