"ტრიბუნას" ლიდერი დავით ჭიჭინაძე აცხადებს, რომ ოცნების ხელისუფლების პირობებში კორუფცია ყვავის და ასეთი კატასტროფული შედეგების გამო ის ვეღარ გააგრძელებს ქვეყნის მართვას. ჭიჭინაძის შეფასებით, ყველა სახელმწიფო სამსახური მორღვეულია, ერთადერთ რასაც „ოცნების“ მოლაპარაკე თავები აკეთებენ, ოპოზიციას ებრძვიან:

„ოცნება“ ხელისუფლებაში ვეღარ დარჩება, გამორიცხულია.

და იმოტომ კი არა, რომ ცუდები არიან, ან თვალის ფერი არ უვარგათ, იმიტომ, რომ ხელისუფლება აღარ არსებობს, ამ ქვეყანას მმართველი არ ჰყავს.

მაშინ, როდესაც ყველა სახელმწიფო სამსახური მორღვეულია, ერთადერთ რასაც „ოცნების“ მოლაპარაკე თავები აკეთებენ, ოპოზიციას ებრძვიან;

ქვეყანაში კორუფციული სქემები, გარიგებები ყვავის და ისე უმარტივესად გაედინება ფული, აუცილებლად კატასტროფამდე მივალთ;

თუნდაც ნამახვან ჰესთან დაკავშირებით, მიუხედავად იმისა, რომ გამჭირვალეა ყველაფერი, მაინც პირდაპირ იკვეთება ვისი ინტერესებიცაა და ყველას რატომღაც უმთავრესი ავიწყდება - ნამახვან ჰესის კასკადების 100 % სახელმწიფო კომპანია იყო და სწორედ ის გაყიდეს;

ადგილზე წარმოების და ხალხის დასაქმების ნაცვლად ისეთებს აკეთებენ, მომავალ მსოფლიო ეკონომიკაში კი არა, ჩვენი ადგილი აღარსად იქნება.

ან თუნდაც ჭიათურაში რა ხდება - თავად მილიარდებს შოულობენ და მაღაროელებს ისეთ ძეხვს აჭმევენ, ძაღლმა არ ჭამა და ეს ჩემი თვალით მაქვს ნანახი.

მოკლედ, როდესაც უუნარო ხარ, მუდმივად პოლიციით ვერ დაიჭერ სიტუაციას და ეს ფაქტია" - აცხადებს ჭიჭინაძე.