ბორჯომის ქარხნის ხელმძღვანელობამ გაფიცულ თანამშრომლებთან შეთანხმებას ახალი ადმინისტრაციის პირობებში მიაღწია.

როგორც აგრარული მეურნეობის, ვაჭრობის და მრეწველობის პროფკავშირების ხელმძღვანელმა გიორგი დიასამიძემ განაცხადა, კომპანია იღებს ვალდებულებას თანამშრომლების ხელფასების ზრდასა და ზეგანაკვეთური შრომის ანაზღაურებასთან დაკავშირებით. ამასთან, ქარხნის ხელმძღვანელობა მზადყოფნას გამოთქვამს ითანამშრომლოს პროფკავშირებთან შრომის პირობებთან დაკავშირებით:

"იყო გარკვეული სახის აზრთა შეთანხმება, დაახლოება და ეს დღევანდელი დღით არ დასრულებულა. მასაც აქვს მზაობა იმის, რომ საკითხები იყოს განხილული. იმისთვის, რომ წარმოება უკეთესად განხორციელდეს, კიდევ გაგრძელდება მუშაობა პროფკავშირების ჩართულობით", - განაცხადა დიასამიძემ.