"რაღაცა ორგანიზაციაა ხო, "სამარცხვინო" თუ რაღაცა ქვია - თქვა იუსტიციის უმაღლესი საბჭოს წევრმა ლევან მურუსიძემ "სირცხვილიაზე".

"რაღაცა ორგანიზაციაა ხო, "სამარცხვინო" თუ რაღაცა ქვია. ხო, "სირცხვილია", უკაცრავად. ისე, სახელების კარგი შერჩევა იციან. გუშინ მე ვუსმენდი ამ ორგანიზაციის წარმომადგენლის განცხადებას ტელევიზიაში. სასამართლოში რომ არის კლანი და სასამართლო რომ არის ძალიან ცუდი, მოყავდა 4 საქმე. მათგან 2 დამთავრებული არ არის, ერთი საქმე, რუსთავი 2-ის საქმე სტრასბურგმა განიხილა და თქვა, რომ საქართველოს სასამართლოს გადაწყვეტილება არის სწორი. მეოთხე საქმეზეც გვაქვს მყარი არგუმენტი, უბრალოდ, მოსმენა არ უნდა არავის" - თქვა მურუსიძემ.

შეგახსენებთ, მოსამართლეთა რიგგარეშე კონფერენციის პარალელურად, იუსტიციის უმაღლეს სკოლასთან აქცია მიმდინარეობს. კონფერენციაზე იუსტიციის უმაღლესი საბჭოს 4 წევრი უნდა აირჩიონ. სწორედ ამას აპროტესტებენ აქტივისტები და პროცესის შეჩერებას ითხოვენ. ადგილზე მობილიზებული პოლიციაც.