გირჩის ლიდერმა ვახტანგ მეგრელიშვილმა პარლამენტის პლენარულ სხდომაზე სიტყვით გამოსვლის წინ განაცხადა, რომ ეს მისთვის პირველი გამოსვლა იყო და რაიმე სისულელეს თუ იტყოდა, არ უნდა დაეცინათ. საკითხი, რაზეც მეგრელიშვილმა ყურადღება გაამახვილა, პარლამენტის შესასვლელში აღმართული რკინის ღობე იყო, სხვა თემებზე საუბარი კი იმიტომ არ ისურვა, რომ მანამდე სხვებმა განიხილეს არა ერთი საკითხი:

"დღეს ჩემი პირველი გამოსვლაა ამ დარბაზში და თუ რამე ისეთს ვიტყვი, სისულელეს, არ დამცინოთ. ბევრი რაღაც მინდოდა მეთქვა რადგან პირველი გამოსვლა იყო, გუშინ ვლაპარაკობდით კიდეც, რომ რა არის ასეთი მნიშვნელოვანი თემა, რომელიც შემიძლია ვთქვა. მართალი გითხრათ, ბევრი ვერაფერი მოვიფიქრე იმიტომ, რომ ყველა ის საკითხი, რომელზეც აქ საუბრობდით, ყველაფერს შეეხეთ ფაქტობრივად. ამიტომ გადავწყვიტე, რომ რაც ძალიან მაწუხებს ის გითხრათ - ძალიან მაწუხებს შემოსასვლელში რკინის ღობე, რომ უყურებ თითქოს ისეთი განცდა გაქვს, რომ ციხეში შედიხარ. ყოველ დილას ციხეში შესვლა მე რაღაცნაირად არ მინდა. ამის გამო, დავიწყე თქვენთან კომუნიკაცია ვის მოსწონს ეს ღობე, ვის არა და უმრავლესობას არ მოსწონს, გარწმუნებთ" - აღნიშნა მეგრელიშვილმა.