ასოციაციის დამფუძნებლებმა საზოგადოებას კლინიკათა გაერთიანების მიზეზები და სამოქმედო სტრატეგია გააცნეს. ასოციაციის საქმიანობის ძირითადი მიზნებია:

ჰოსპიტალური სექტორის ადვოკატირება სახელმწიფო ინსტიტუტებთან, კერძო სადაზღვევო სექტორთან და სხვა პირებთან;

ჰოსპიტალური სექტორის სამართლიანი რეგულაციური სივრცის განვითარებისთვის ხელშეწყობა;

ქვეყანაში პაციენტების ინტერესებზე, უსაფრთხო და ხარისხზე ორიენტირებული ჰოსპიტალური სექტორის განვითარებისათვის ხელშეწყობა;

ქვეყანაში ჰოსპიტალების მართვის ეფექტიანობის შეფასების სტანდარტული ოპერაციული სისტემების დანერგვისათვის ხელშეწყობა;

მაღალტექნოლოგიური ჰოსპიტალური სერვისების დანერგვის და არებულის განვითარებისათვის პროექტების განხორციელება. ასოციაციაში გაერთიანებულია საქართველოს ათი წამყვანი კლინიკა:

1. შპს „მაღალი სამედიცინო ტექნოლოგიების ცენტრი, საუნივერსიტეტო კლინიკა.

2. სს „ალ. წულუკიძის სახელობის უროლოგიის ეროვნული ცენტრი.

3. შპს „სისხლძარღვთა და გულის დაავადებათა ცენტრი“.

4. სს „ჩაჩავას კლინიკა“.

5. შპს „თბილისის მ. გურამიშვილის სახელობის პედიატრიულ კლინიკა“.

6. შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა“.

7. შპს „აკად. გ. ჩაფიძის სახელობის გადაუდებელი კარდიოლოგიის ცენტრი.

8. შპს „ამტელ ჰოსპიტალ პირველი კლინიკური“.

9. შპს „ნიუ ჰოსპიტალს“.

10. შპს „აკადემიკოს ო. ღუდუშაურის სახელობის ეროვნული სამედიცინო ცენტრი“.

„დამოუკიდებელ ჰოსპიტალთა ასოციაციის“ გამგეობის თავმჯდომარე, ღუდუშაურის სახელობის ეროვნული სამედიცინო ცენტრის განვითარების დირექტორმა იაგო კალანდაძემ განაცხადა, რომ თბილისის ათმა წამყვანმა კლინიკამ დააფუძნა ჰოსპიტლთა დამოუკიდებელი ასოციაცია, რომელიც ღიაა სხვა მსურველებისთვისაც და აქედან გამომდინარე ასოციაციაში შემავალი ჰოსპიტლების რიცხვი გაიზრედება.

ასოციაცია საზოგადოებრივ ინტერესში შედის, რაც ეფუძნება იმ საკითხებს, პრობლემებს და გამოწვევებს, რაც დღეს თავმოყრილია ჯანდაცვის სექტორში.