ბორჯომში, ბორჯომის ჩამოსასხმელი ქარხნის თანამშრომლები მე-7 დღეა ხელფასების ზრდას და სამუშაო პირობების გაუმჯობესებას ითხოვენ.

დღეს დილით, 300-ზე მეტი თანამშრომელი, ისევ პირველ ჩამოსასხმელ ქარხანასთან შეიკრიბა და ჟურნალისტებთან ქალაქში, ხვალინდელი მასშტაბური აქციები დაანონსეს.

გაფიცულები აცხადებენ, რომ პროტესტი სულ უფრო რადიკალურ სახეს მიიღებს და თუ ხელმძღვანელობა მოთხოვნებს არ დააკმაყოფილებს, ქარხანის ბლოკირებას მოახდენენ და გზებს გადაკეტავენ.

გარდა ამისა, ისინი ხვალ მუნიციპალიტეტის მერიასთან აპირებენ აქციის გამართვას და მათ საკითხის მოგვარების ჩართვაში სახელმწიფო უწყებების დაინტერესებას მოითხოვენ.