რიონის ხეობის მცველები იუსტიციის სახლიდან თავისუფლების მოედნისკენ აპირებენ გადანაცვლებას. როგორც მოძრაობის ლიდერმა ვარლამ გოლეთიანმა განაცხადა, ისინი პერმანენტულად მოახდენენ სხვადასხვა ლოკაციების პიკეტირებას და პროცესი გაგრძელდება იქამდე, სანამ მათი მოთხოვნები არ დაკმაყოფილდება:

"ვგეგმავთ პერმანენტულ პიკეტირებებს, სხვადასხვა ადგილებზე. ეს პროცესი არ შეჩერდება იქამდე, სანამ ჩვენი მოთხოვნები არ დაკმაყოფილდება. ეს ჩვენი უკომპრომისო და მკაფიო პოზიცია ჩვენი. არ გვაქვს ახირება უბრალოდ იმისა, რომ რაღაც არ აშენდეს ამ ქვეყანაში, უბრალოდ 209 დღეა საზოგადოებას ვაცნობთ, რატომ არ უნდა აშენდეს აღნიშნული პროექტი, რატომ არის პრობლემის შემცველი და რა არგუმენტები არსებობს ჩვენ მხარეს. შეხვედრებიდან იპარებიან მინისტრები, მათ საგნობრივი დიალოგში შემოსვლა არ სურთ. 5 წუთში აშკარავდება მათი ვიწრო, პირადი ინტერესი. უკაცრავად თუ ვერ დავდექით იქ და იმ ფორმით არ გავაგრძელეთ ის პროტესტი, როგორც მთელი ეს პერიოდი გვქონდა" - აღნიშნა გოლეთიანმა.