პარლამენტის თავმჯდომარე კახა კუჭავა რიონის ხეობის მცველებს შეხვედრასა და დიალოგს სთავაზობს. ამის შესახებ აქციის მიმდინარეობისას მოძრაობის ლიდერმა ვარლამ გოლეთიანმა განაცხადა და დასძინა, რომ ისინი საპირისპირო შეთავაზებით პასუხობენ - წავლენ პარლამენტის მიმართულებით, ივლენ უმაღლეს საკანონმდებლო ორგანოსთან და იქ დაელოდებიან კუჭავას მისვლას.

აქციის ორგანიზატორები განიხილავენ შეხვედრის მეორე ვერსიასაც, რომელიც მედიასაშუალებების თანდასწრებით წარიმართება, პირდაპირი ეთერის რეჟიმში.

რიონის ხეობის მცველები ახლა ხელისუფლებისაგან ელოდებიან პასუხს, რომელ ფორმატზე დათანხმდებიან შეხვედრას.