ნამახვანჰესის საწინააღმდეგო აქციების ერთ-ერთი ორგანიზატორი, ვარლამ გორლეთიანი პრემიერინისტრს, ირაკლი ღარიბაშვილს პასუხობს.

იგი ამბობს, რომ პრემიერის განცხადებები ერთმანეთს აცდენილია:

"ბოლო პერიოდში პრემიერის განცხადებები ერთმანეთს აცდენილია, პირველ შემთხვევაში მან თქვა, რომ ეს არის ინსპირირებული გარე ძალებიდან და აბსოლუტურად უხარვეზოა პროცესი, საკმაოდ მწვავე შეფასებები გააკეთა ჩვენს მიმართ, თითქოს ჩვენ ვართ მარგინალური, ბნელი, ექსტრემისტული ძალა. დღევანდელი განცხადებით გავიგეთ, რომ ხელშეკრულება გადაუგზავნეს შესასწავლად იუსტიციის სამინისტროს. ბატონი პრემიერის განცხადებაში გამოიკვეთა, რომ შესასწავლია ხელშეკრულება და მნიშვნელოვან ხარვეზებს შეიცავს. ვაი პატრიოტიზმს ალბათ უფრო ხელისუფლების კონტექსტში უნდა განვიხილავდეთ, იმიტომ რომ ხეობას ხელისუფლება ჰყიდის და რესურსებს ასხვისებს"- თქვა გოლეთიანმა.

შეგხსენებთ, პრემიერ-მინისტრმა ირაკლი ღარიბაშვილმა ნამახვანჰესის საწინააღმდეგო აქციის მონაწილეებს “გონიერებისკენ” მოუწოდა და თქვა, რომ სახელმწიფოს კანონის მიღმა გადასვლაზე რეაგირება ექნება. მისი თქმით, ულტიმატუმის ენით საუბარი კატეგორიულად მიუღებელია.