თბილისის მერი კახი კალაძე ნამახვანჰესის საწინააღმდეგო აქციასა და ჰესის მშენებლობის საკითხს მედიასთან ეხმაურება. კალაძის თქმით, მისი პოზიციაა, რაც შეიძლება ბევრი ჰიდროელექტროსადგური აშენდეს ქვეყანაში. როგორც თბილისის მერმა განაცხადა, ნამახვანჰესის პროექტი მისი მინისტრობის დროს არ დაწყებულა, წინააღმდეგ შემთხვევაში უკვე აშენებული იქნებოდა:

"ჩემი პოზიცია არის ის, რომ რაც შეიძლება ბევრი ჰიდროელექტროსადგური უნდა აშენდეს ქვეყანაში. მაქსიმალურად რაციონალურად უნდა იქნას გამოყენებული ის რესურსები, რაც ქვეყანას გააჩნია იმისთვის, რომ მე, თქვენ, ჩვენი ქვეყნის მოქალაქეები არ ვიყოთ დამოკიდებული რუსეთიდან, აზერბაიჯანიდან, თურქეთიდან, სომხეთიდან შემოტანილ ელექტროენერგიაზე. ეს რა თქმა უნდა გრძელვადიან პერსპექტივაში ცუდია იმ თვალსაზრისით, რომ პირდაპირ აისახება ჩვენს ჯიბეებზე, რადგან გვიწევს მაღალი ტარიფების გადახდა. ამიტომ, მნიშვნელოვანია, რომ ჩვენი რესურსები იყოს სწორად გამოყენებული.

ნამახვანჰესის პროექტი ჩემი მინისტრობის დროს არ ყოფილა, რომ ყოფილიყო, უკვე აშენებული იქნებოდა", - განაცხადა კახა კალაძემ.