ტელეკომპანია „მაესტროს“ ეთერში „დემოგრაფიული აღორძინების ფონდის“ ახალი ინიციატივის შესახებ ბიზნესმენმა ლევან ვასაძემ ისაუბრა. ის პატრიარქის იდეას აჟღერებს და პენიტენციალურ სისტემაში სასჯელაღსრულების ახალი ფორმის - გადასახლების შემოღების ინიციატივით გამოდის.

„ ჩვენ შეგვიძლია, დაახლოებით, 10 ათასამდე პატიმარზე იმის მაგივრად, რომ ბეტონის გალიაში ლპებოდეს და იქ კარტს თამაშობდეს და გიჟდებოდეს, დავუბრუნდეთ კარგად დავიწყებულ ძველს. ბრიტანეთმა ავსტრალია ასე დაასახლა და რუსეთმა ციმბირი და ჩვენ რა ჯანდაბა დაგვემართა!..

გასული საუკუნის დასაწყისში მთაში ჩვენი ქვეყნის მოსახლეობის 24 % ცხოვრობდა, ეხლა ცხოვრობს 4 %.

მათთვის, ვინც, ვთქვათ, თაღლითობა ჩაიდინა, იმის მაგივრად, რომ იჯდეს ორთაჭალაში და უჯდებოდეს სახელმწიფოს უზარმაზარი ფული, გაკეთდეს ცენტრები ამ ხალხის განსახლებისა და მიეცეს უფლება ოჯახის წევრებს რომ იცხოვროს მასთან ერთად - ჰყავდეს საქონელი, მუშაობდეს და ჰქონდეს რესოციალიზაციის ბევრად უკეთესი პირობები," - განაცხადა ლევან ვასაძემ.