გამოცემა Express-ის ცნობით, ბრიტანელი კოსმეტოლოგები მიიჩნევენ, რომ ადამიანის სხეულისთვის ცხელი შხაპის მიღება გარკვეულ საშიშროებას წარმოადგენს.

მათი თქმით, ცხელ წყალში დაბანა უარყოფითად მოქმედებს კანზე. ამ თვალსაზრისით, ჯანსაღი კანის შესანარჩუნებლად უმჯობესია აირჩიოთ გრილი წყალი, ასევე შეამციროთ წყლის პროცედურებისთვის გამოყოფილი დრო.

"ცხელი წყალი აზიანებს კერატინის უჯრედებს, რომლებიც განლაგებულია კანის გარეთა შრეზე", - განაცხადა კოსმეტოლოგმა.

ცხელ წყალში ხშირად დაბანამ, შესაძლოა, გამოიწვიოს კანის სიმშრალე და დაავადება, მაგალითად ეგზემა.

დერმატოლოგმა ასევე აღნიშნა, რომ პრობლემური კანის მქონე ადამიანებისთვის ბანაობის დრო უნდა შეიზღუდოს და შხაპის მიღების დრო 5-10 წუთამდე უნდა იყოს დაყვანილი, ხოლო ვისაც კანის დაავადების პრობლემა არ აწუხებს, წყლის პროცედურები 15 წუთზე მეტხანს არ უნდა გაგრძელდეს.