გოგი წულაია პოლიტიკურ პარტიას აფუძნებს

პოლიტიკა - 13:02, 22 May, 2021

3010

პატიმრობაში მყოფი გოგი წულაია პარტიას აფუძნებს. წულაიას მიმართვა ფეისბუქ გვერდზე გავრცელდა. ის გულშემატკივრებს მიმართავს და მხარდაჭერისკენ მოუწოდებს:

"მოგესალმებით მეგობრებო, მხარდამჭერებო და უბრალოდ გულშემატკივრებო გლდანის 18-ე სამკურნალო საღჯელასრულების 405 საკნიდან .

მინდა გითხრათ , რომ როდესაც დავტოვე პარტია "თავისუფალი საქართველო" , ერთ ვარიანტად განვიხილავდი პარტიის ჩამოყალიბებას , ნუ აქ ყოფნამ საბოოლოდ გამაწყვეტინა პარტიის დაარსება.

პარტიის პროგრამა მინიმუმი იქნება რომ მონაწილეობა მივიღოთ ადგილობრივი თვითმართველობის არჩევნებში და მოვიცვათ ყველა სოფელი და რეგიონი . ამაზე ბევრი ლაპარაკი არ არის საჭირო რადგან თუ ვინმე ოდესმე მისმენდა , იცის რა დამოკიდებულება მაქვს სოციალური და საერთო სამართლიანობის მიმართ , ასევე თვითმართველობის გაძლიერების მიმართ , რომ ახლანდელი თვითმართველობა არის მხოლოდ ბუტაფორია და მეტი არაფერი და ასევე რა მიდგომები მაქვს ახალ ტექნოლოგიებზე დაყრდნობით ადგილობრივ მრეწველობის განვითარებაზე აი ეს იქნება პროგრამა მაქსიმუმი , რადგან ჩვენს ქვეყანაში მივაღწიოთ რეალურ თვითმართველობას, სამართლიანობას და მრეწველობას , რომელიც გაადარჩენს ქვეყანას.

მინდა ვთხოვო ჩემს მხარდამჭერებს , მეგობრებს და ყველა იმ ადამიანს ვინც თვლის რომ ჩემი 6 წლით ციხეში გამოკეტვა არის უსამართლობა დამიჭიროთ მხარი და დამეხმაროთ პარტის დაფუძნებაში .
გამოხატეთ თქვენი აზრი თუ ხართ მზად თანამშრომრომლობისთვის და ერთად ბრძოლისთვის.

თქვენი გოგი წულაია , მადლობა ყველა იმ ადამინს ვინც მხარს მიჭერთ ამ უსამართლო ბრძოლაში და მომავალშიც აპირებთ დამეხმაროთ როგორც პარტის შექმნაში ასევე თავისუფლებისთვის ბრძოლაში!"