თქვენ გგონიათ, ანტივაქსერი ისაა, რომ გამოდის და იძახის, დაგჩიპავენო? ეგ არ არის. ანტივაქსერი სწორედ ისაა, ვინც გამოდის და იძახის, უიმე, ეს ვაქცინა არ ვარგაო, – ამის შესახებ დაავადებათა კონტროლის ცენტრის ხელმძღვანელის მოადგილემ, პაატა იმნაძემ განაცხადა.

„ამით ის ადამიანებს რწმენას ურყევს. როცა შენს ქვეყანას ძალიან უჭირს და დიდი ძალისხმევით მოიპოვა რაღაც ვაქცინა, რომელიც მსოფლიოს 35 ქვეყანაში გამოიყენება, იმის მაგივრად, რომ ადამიანებს ამ ვაქცინის რწმენა ჰქონდეთ და ამ რწმენას რომ უქარწყლებს, ისაა ანტივაქსერი“, – განაცხადა იმნაძემ.

მან ასევე აშშ-ის პრეზიდენტის მრჩევლის ენტონი ფაუჩის სიტყვები მოიყვანა მაგალითად, რომლის განცხადებითაც, ის ვაქცინაა კარგი, რომლითაც დღეს შეიძლება, აიცრა.