დღეს საქალაქო სასამართლოში ნიკა მელიას პროცესი განახლდება,ს ადაც ბრალდების მხარე მოწმეებს გამოკითხავს. ჯერ-ჯერობით უცნობია, ვინ იქნებიან პროკურატურის მოწმეები. როგორც მელიას ადვოკატები აცხადებენ, საგამოძიებო უწყებას დაცვის მხარისთვის მოწმეთა ვინაობა უნდა დაესახელებინა:

"ჩვენდა სამწუხაროდ, ჯერ-ჯერობით ჩვენთვის არ არის ცნობილი კონკრეტულად, რომელი მოწმეების მოყვანას აპირებს ბრალდების მხარე, მიუხედავად იმისა, რომ წინა სასამართლო პროცესზე ამის შესახებ შევთანხმდით, რა თქმა უნდა დაცვის მხარეს უნდა მოგვეცეს შესაძლებლობა, რომ ჯეროვნად მოვემზადოთ, გვქონდეს ჩვენი დაცვის სტრატეგია ჯვარედინი დაკითხვის მოსამზადებლად. კიდევ ერთხელ აღვნიშნავ, მიუხედავად იმისა, რომ სასამართლომ და ბრალდების მხარემ მოგვცა ამის შესაძლებლობა, ჩვენთვის ცნობილი არ არის, ვის გამოკითხავს ბრალდების მხარე", - განაცხადა გიორგი კონდახაშვილმა.