პეკინზე გაჩენილი ხანძრის გამო 14 ოჯახი საცხოვრებლის გარეშე დარჩა. მათი ნაწილი ამ დრომდე სასტუმროშია გადაყვანილი. როგორც საბურთალოს გამგეობის წარმომადგენელი აცხადებს, სასტუმროში განთავსებული 35 ადამიანი იმ დრომდე დარჩება იქ, სანამ აფხაზეთის მთავრობა მათ დროებითი საცხოვრებელი ბინებით არ უზრუნველყოფს:

"ვისაც დაეწვა საცხოვრისი გავიყვანეთ სასტუმროში, დროებით, სანამ აფხაზეთის მთავრბა არ მოუძებნის მათ ბინებს ქირით. 14 ოჯახია გაყვანილი და შეადგენს 35 სულს. წყალი და ელექტრო ენერგია გათიშეს უსაფრთხოებიდან გამომდინარე, სრულად რომ დარწმუნდებიან სპეციალისტები აღდგება", - აღნიშნა საბურთალოს გამგეობის წარმომადგენელმა.

შეგახსენებთ, პეკინზე, საცხოვრებელ კორპუსში ხანძარი გუშინ გაჩნდა. ცეცხლის გაჩენის მიზეზი სავარაუდოდ კუსტარულად დამონტაჟებული ელექტროგაყვანილობის ხაზი გახდა.