"ქართული ოცნების" თავმჯდომარის, ირაკლი კობახიძის განცხადებით კახა კალაძე თბილისის მერობის ყველაზე სასურველი კანდიდატი იქნება.

როგორც მან განმარტა, მათივე ჩატარებული კვლევით, კალაძე რეიტინგში პირველ ადგილზე იყო.

"ჩვენ გვაქვს ბოლო დროს ჩატარებული სოციოლოგიური გამოკითხვები. რა თქმა უნდა, კვლევაში არ იყო დასახელებული ბიძინა ივანიშვილი, იქიდან გამომდინარე, რომ მან დატოვა პოლიტიკა.

დანარჩენი ყველა, ვინც არის აქტუალური პოლიტიკოსი და დღეს ჩართულია პოლიტიკაში, ყველას სახელი და გვარი ვიკითხეთ. შემიძლია, ერთი საიდუმლო გაგანდოთ, რომ კახი კალაძე არის პირველ ადგილზე რეიტინგით დღეს. ეს არის არსებული მოცემულობა, ის არის გამორჩეულად მაღალრეიტინგული ფიგურა ქართულ პოლიტიკაში და, შესაბამისად, მას განსაკუთრებული ადგილი უჭირავს ქართული ოცნების გუნდში", - განაცხადა ირაკლი კობახიძემ "რუსთავი 2"-ის ეთერში.