"სტრატეგია აღმაშენებლის" ლიდერი, გიორგი ვაშაძე, აცხადებს, რომ "ნაციონალურ მოძრაობაზე“ არ არის დამოკიდებული საქართველოს გადარჩენა" .

ასევე მისივე განმარტებით, "ნაციონალური მოძრაობის“ პარლამენტში ყოფნა შარლ მიშელის დოკუმენტის რეალიზებას არ სჭირდება, მათ შორის, როგორც საარჩევნო კანონმდებლობის რეფორმის, ისე ამნისტიის შესახებ კანონის მიღების ნაწილში.

„შარლ მიშელის დოკუმენტის რეალიზებაში არ მჭირდება, პირდაპირ გეუბნებით, იმიტომ, რომ საკონსტიტუციო ცვლილებებისთვის საკმარისი კვოტა არის. გამოცდილება და ცოდნა მეტი გვაქვს ჩვენ. თუ საქმის კეთება უნდათ, ცუდია - თქო ხომ არ ვამბობ. საქართველოს გადარჩენა აღარ არის დამოკიდებული კიდევ 30 კაცი შევა პარლამენტში თუ არ შევა. „ნაციონალურ მოძრაობაზე“ არ არის დამოკიდებული საქართველოს გადარჩენა, ეს არის ჩვენზე, იმ პოლიტიკოსებზე, ვინც პასუხისმგებლობა ავიღეთ შეთანხმების რეალიზებაზე“, - განაცხადა ვაშაძემ "პალიტრანიუსის" ეთერში.