,,გერმანიის და პოლონეთის პრეზიდენტებს საფრანგეთის პრეზიდენტიც შეუერთდა სოჭის ოლიმპიადის ბოიკოტირების საკითხში,

საფრანგეთის პრეზიდენტის ამ ნაბიჯს აუცილებლად მოყვება ე.წ. დომინოს პრინციპით სხვა დიდი და გავლენიანი ქვეყნების ლიდერების ბოიკოტიც პუტინის ოლიმპიადის მიმართ. საქართველომ, უფრო სწორად მისმა დღევანდელმა ხელისუფლებამ ხელიდან სულმოკლედ გაუშვა შესაძლებლობა რომ გამხდარიყო პირველი ფლაგმანი თავისუფალი სამყაროსი სოჭის ოლიმპიადის ბოიკოტირების საქმეში. არადა, ამ ქვეყნებს ბევრად მცირე პრობლემები აქვთ პუტინის რუსეთთან, ვიდრე ჩვენ. ძალიან სამწუხაროა, რომ დოყლაპიურად დავკარგეთ გარანტირებული ყურადღება 21-ე საუკუნის უკანონო და აღმაშფოთებელი სამხედრო ოკუპაციის მიმართ მთელი პროგრესული მსოფლიო საზოგადოებისა. ვიმეორებ, სულ რაღაც ორი თვის უკან შეგვეძლო ამ პროცესის ლიდერ ქვეყანად ვქცეულიყავით, რაზეც არაერთხელ განვაცხადე მეც და სხვებმაც პრესით თუ ტელევიზიის საშუალებით. დასანანია“, - წერს ნიკა რურუა სოციალურ ქსელში.