პოლიტიკოსი გოგი წულაია საპატიმროდან წერილს ავრცელებს, რომელიც სოციალურ ქსელში მის პირად გვერდზე გამოქვეყნდა. წულაია აცხადებს, რომ ერთი კვირაა შიმსილობა დაიწყო და მედიკამენტების მიღებაზეც უარი თქვა. პროტესტის ამ ფორმით პოლიტიკოსი მოსამართლისა და პროკურორის აცილებას ითხოვს:

"10 მაისის სასამართლო პროცესზე,რომელიც წინასწარ იყო დაგეგმილი, შოთაძის მონა პროკურორმა და მურუსიძის მონა მოსამარათლემ წინასწარი პატიმრობა ორი თვით გამიხანგძლივეს , რომლის შემდგომ ვეღარ მოვითმინდე და დედა მოვუკითხე, ორივე ძალიან მოწადინებული იყო ჩემი დაჭერით და ამ ფაქტის მერე რას იზამენ ხომ წარმომიდგენია..

მივიღე გადაწყვეტილება უკვე ერთი კვირაა ვშიმშილობ, არ ვიღებ არც მედიკამენტებს, მოთხოვნა ერთია გამიკეთონ აცილება მოსამარათლეზე და ასევე პროკურორზე , რომელიც ჩემ დაჭერისას მონაწილეობას იღებდა ჩემს წამებაში და ღირსების შელახვაში" - წერია წულაიას წერილში.