პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი მოსახლეობას შორის მომხდარ დაპირისპირებასთან დაკავშირებით დმანისში ჩავიდა.

როგორც სუბარმა განმარტა, ამ ეტაპზე მიმდინარეობს შეხვედრები, რომელიც ვითარების განეიტრალებისკენაა მიმართული:

"გვქონდა გარკვეული შეხვედრები და ახლაც ვაგრძელებთ. ყველამ ძალიან კარგად იცის, რომ რაც მოხდა, იყო გაუგებრობა, რაც წუთიერ აღელვებას მოჰყვა და ყველაფერი დაწყნარდება.

ყველა არის იდენტიფიცირებული და მიმდინარეობს რამდენიმე ადამიანის გამოკითხვა," - განაცხადა სუბარმა.