საქალაქო სასამართლოში რუსთავი 2-ის საქმეზე არსებითი განხილვა მიმდინარეობდა, სადაც მოსარჩელე მხარემ პროკურატურისგან საგამოძიებო მასალების გამოთხოვნის შუამდგომლობა დააყენა.

უფლებადამცვლის თქმით, აღნიშნული მასალები უტყუარი მტკიცებულებაა იმის, რომ 2004 წელს ტელეკომპანიის დამფუძნებლების ჯარჯი აქიმიძისა და დავით დვალის მიმართ ზეწოლა ხორციელდებოდა.

გარდა ამისა, შუამდგომლობა დააყენეს მოწმეების დაკითხვის თაობაზეც, რომელთა შორის ბიძინა ივანიშვილისაა. მოსამართლემ ყველა მოწმის დაკითხვის შუამდგომლობა დააყენა, თუმცა ივანიშვილზე უარი განაცხადა.

რუსთავი 2-ის გენერალური დირექტორის პაატა სალიას თქმით, ზოგადი მითითება იმაზე, რომ ვიღაცამ რაღაც იცის, მოწმის დაკითხვის შუამდგომლობას ვერ დააკმაყოფილებს:

"ველოდებით სისხლის სამართლის საქმის მასალებს და შემდეგ ჩვენც გვექნება შესაძლებლობა და შეიძლება წარმოიშვას ჩვენი მხრიდან გარკვეული ტიპის შუამდგომლობები. ბატონ ივანიშვილის ინტერვიუ აქვს მიცემული ქალბატონი ირმა ინაშვილისთვის, სადაც საუბრობს, გარკვეულ, მის მიმართებაზე ქიბარ ხალვაშთან დაკავშირებით. ზოგადი მითითება იმაზე, რომ ვიღაცამ რაღაც იცის, მითუმეტეს თუ უშუალო მონაწილე არაა და უშუალოდ ფაქტებს არ შესწრებია, ვერ დააკმაყოფილებს მოწმის დაკითხვის სტანდარტსა და იმ საფუძვლებს რა შემთხვევაშიც შეიძლება, რომ მოწმე დაკითხონ", - განაცხადა სალიამ.