მექსიკელმა მეცნიერებმა კოაუილას შტატში, დამშრალი წყალსაცავის ფსკერზე დინოზავრის ადრე უცნობი სახეობა აღმოაჩინეს, რომელიც სხვა დინოზავრის სახეობებისგან მკაფიოდ განსხვავდება. ახალი სახეობის დინოზავრი, სავარაუდოდ, დედამიწაზე 72-73 მილიონი წლის წინ ცხოვრობდა.

მეცნიერებმა აღმოჩენას უკვე დაარქვეს Tlatolophus galorum-ის სახელი. აღინიშნა, რომ სახეობის იდენტიფიკაცია ცხოველის თავის ქალის კარგი მდგომარეობის გამო მოხერხდა.

ექსპერტების ვარაუდით, ეს დინოზავრები მძლავრ ხმებს გამოსცემდნენ მტაცებლების შესაშინებლად და რეპროდუქციული მიზნებისათვის.