"ქართული ოცნების" თავმჯდომარის ირაკლი კობახიძის თქმით, ის ფაქტი, რომ ოპოზიციამ 15 მაისს დაგეგმილი აქცია გადადო, მის მარცხს ოფიიალურად აფორმებს. კობახიძე მიიჩნევს, რომ ოპოზციას ხალხის მობილიზების რესურსი არ აქვს:

„თავიდანვე ვამბობდით, რომ მათ მოუწევდათ 15 მაისის აქციის გადავადება და ეს რეალურად ასე მოხდა. მათ არანაირი რესურსი არ აქვს ხალხის მობილიზაციის, არც მანამდე ჰქონდათ და არც ახლა აქვთ. აქედან გამომდინარე აშკარაა, რომ ისინი დამარცხდნენ ამ ბრძოლაში, რასაც ერქვა ხელოვნური კრიზისის შექმნა, რასაც ერქვა პარლამენტის საბოტაჟი და ა.შ. გუშინ, როდესაც ჩვენ გავიგეთ იმის შესახებ, რომ 15 მაისის აქცია გადაიდებოდა, უკვე ოფიციალურად, საბოლოოდ გაფორმდა მათი მარცხი", - განაცხადა კობახიძემ.