"ოცნების" დეპუტატმა, ლადო კახაძემ თავდაცვის მინისტრს, ჯუანშერ ბურჭულაძეს ამ შინაარსის კიტხვით მიმართა:ჯარში მოტივაციის გასაზრდელად ხომ არ იგეგმება შემოქმედებითი ჯგუფების შექმნა?

კახაძის თქმით, "ქართულ ჯარს, საერთოდ ქართველებს შემოქმედებითი კუთხით დიდი ისტორია აქვს".

"ცოტა მსუბუქ შეკითხვას მოგცემთ... ჯარში ძალიან ბევრი ახალგაზრდა იყრის თავს უდიდესი ნიჭით შეპყრობილნი. ცეკვა იქნება, სიმღერა იქნება... იყო ასეთი ტრადიცია, რომ ჯარს ძალიან ძლიერი შემოქმედებითი კოლექტივი ჰყავდა. რას ფიქრობთ, თავის პროფესიულ საქმიანობასთან ერთად თავისი ნიჭის გამოსამჟღავნებლად ხო არ დადგა დრო აღვადგინოთ ეს ტრადიცია და ის სასწაული პოტენციალი გამოვიყენოთ, რომელიც ქართულ ნიჭს და გენს ბრძოლასთან ერთად იმ ყიჟინაში და იმ რიტუალურ ცეკვაშიც ახასიათებდა", - მიმართა მინისტრს კახაძემ.