დამოუკიდებელი დეპუტატის დავით ბაქრაძის განცხადებით, ის პარლამენტში ბრუნდება. როგორც ბაქრაძემ აღნიშნა, გიორგი რურუას და ნიკა მელიას გამოშვება იყო ის ზღვარი, სადამდეც არ მონაწილეობდი პარლამენტის მუშაობაში და რომლის შემდეგაც ბრუნდება პარლამენტში პრეზიდენტ მიშელის დოკუმენტის შესაბამისად.

"პრეზიდენტ მიშელთან შეხვედრის შემდეგ მე განვაცხადე, რომ საპარლამენტო საქმიანობაში ჩავერთვებოდი მხოლოდ მას შემდეგ, რაც გათავისუფლდებოდნენ პოლიტპატიმრები. დღეს ნიკა და გიორგი რურუა თავისუფლები არიან. მუშაობის ეს ეტაპი დასრულებულია და მათმა თავისუფლებამ შექმნა იმის პირობები, რომ საპარლამენტო ოპოზიცია და არა მხოლოდ მე, სრულფასოვნად ჩაერთოს საპარლამენტო მუშაობაში ყველა იმ საკითხზე სამუშაოდ, რაც დღეს აწუხებს მოსახლეობას" - განაცხადა ბაქრაძემ.