ოპოზიციონერი გიგი უგულავა "ქართული ოცნების" თავმჯდომარის ირაკლი კობახიძიეს მიერ დაანონსებული პოლიტიკური სამართალწარმოებების სერიას ეხმაურება და აცხადებს, რომ ივანიშვილის რეჟიმის პირობებში ამგვარი ფაქტები არ დასრულდება. მისი შეფასებით, რაც არ უნდა სირაქლემას პოზაში იყვნენ კობახიძე და ივანიშვილი, საერთაშორისო საზოგადოება ასეთ საქმეებს პოლიტიკურად მოტივირებულ საქმეებად აღიქვამს:

"რაც არ უნდა სირაქლემას პოზიციაში იყოს კობახიძე და თავისი დამსმელი ივანიშვილი, საერთაშორისო საზოგადოებისთვის ეს საქმეები არის პოლიტიკური საქმეები. ამიტომ, კიდევ ერთხელ კარგად აჩვენებს კობახიძის ეს განცხადება, რომ ის სრულად ეწინააღმდეგება შარლ მიშელის დოკუმენტს, რომელსაც თითონაც მოაწერეს ხელი, რომ ივანიშვილის პირობებში პოლიტიკური მართლმსაჯულება არ დასრულდება. პირიქით, იქნება პოლიტიკური დაჭერები და ყველა შეთანხმება ივანიშვილის რეჟიმთან არის უბრალოდ დროებითი ზავი. ეს არის ჩამოყალიბებული ავტორიტარული რეჟიმი, რომელიც პროკურატურით და სასამართლოთი ანადგურებს ადამიანებს და ამის მონაწილე და ამის ერთ-ერთი შემოქმედი არქიტექტორი არის ეს ბრიყვი კობახიძე", - აცხადებს უგულავა.

შეგახსენებთ, გუშნ კობახიძემ განაცხადა, რომ გიორგი რურუა და ნიკა მელია მიშელის დოკუმენტზე ხელმოწერის შედეგად გათავისუფლდნენ, ხოლო ვისაც არ ეხება მემორანდუმი, მათ წინააღმდეგ სამართალწარმოება გაგრძელდება.