ინტენსიური თოვის გამო ახალი შეზღუდვები დაწესდა რიკოთის უღელტეხილზე. საავტომობილო გზების დეპარტამენტის ცნობით, ჩუმათელეთი-ზესტაფონის მონაკვეთზე მოძრაობა მოცურების საწინააღმდეგო ჯაჭვებით არის შესაძლებელი, ხოლო მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსებისთვის გადაადგილება აკრძალულია.

დიდთოვლობის გამო, ხაშური-ახალციხე-ვალეს საავტომობილო გზის კმ1-კმ50 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გზის დანარჩენ მონაკვეთებში ავტოტრანსპორტის მოძრაობა თავისუფალია, თუმცა, არაა გამორიცხული, რიკოთის უღელტეხილზე მოძრაობა სრულად ჩაიკეტოს.